Plantun de Prouvènço

Pèr coumpara dos planto d'encò nostre

Myosotis laxa & Bunias erucago

Te-vese-e-t'ame(-fourro-bourro)

Myosotis laxa

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis gazonnant.

Descripcioun :
Aquéu te-vese-e-t'ame, pulèu rare, trachis en ribo de ribiero, dins li prado umido e li roubino de palun. Emé si péu contro li sepalo se destrìo dis aùtri Myosotis di flour pas trop grosso. Tambèn, i'a ges de bratèio dins l'enflourejado e lou "calice" crèis proun après la flourido.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 10 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 4 à 6 mm
Flourido : Estiéu

Sòu : Si
Autour basso e auto : 0 à 600 m
Aparado : Noun
Abriéu à jun

Liò : Ribiero - Prado umido - Palun - Roubino
Estànci : Mesoumediterran à Mountagnard
Couroulougi : Bourealo
Ref. sc. : Myosotis laxa Lehm., 1818

Borbori

Bunias erucago

Brassicaceae Cruciferae

Noms en français : Bunias fausse roquette, Masse au bedeau.

Descripcioun :
Planto annalo d'auturo mejano (20 à 50 cm) que se recounèis à si cambo cuberto de glando roujo, à si fueio d'en aut que dounon d'èr à-n-aquéli de la rouqueto jauno (aquéli d'en bas soun mai retaiado) e subretout à si fru cresta. En mai d'acò a uno forto oudour quouro fretas si fueio.

Usanço :
Es uno planto proun acro que fai pissa. Se pòu pamens manja cruso o cue. Lou noum proupousa èi pas prouvençau, mai vèn de la tiero de R.J. Carbonel : Noms patois des plantes d'Entraygues et de Mur-de-Barrez (Aveyron) 1904, Académie de géographie botanique.

Port : Erbo
Taio : 20 à 60 (80) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Bunias
Famiho : Brassicaceae
Famiho classico : Cruciferae

Coulour de la flour : Jauno
Petalo : 4
Ø (o loungour) flour : 8 à 14 mm
Flourido : Printems - Estiéu

Sòu : Si (Ca)
Autour basso e auto : Pancaro entresigna
Aparado : Noun
Abriéu à avoust

Liò : Escoumbre e proche dis oustau - Champ
Estànci : Termoumediterran à Mountagnard
Couroulougi : Eurimediterrano-Ouèst
Ref. sc. : Bunias erucago L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis laxa & Bunias erucago

ges

Coumpara Te-vese-e-t'ame(-fourro-bourro) emé uno autro planto

Coumpara Borbori emé uno autro planto